जिल्ला प्रशासन कार्यालय, रौतहट, दर्ता न ४३/०६८/६९, पान नं. ६०१०२२११९
राजनिति


पर्सामा नेपाल–भारत उच्च अधिकारीको बैठक सम्पन्न


राजनिति 7 पटक पढिएको


पर्सामा नेपाल–भारत उच्च अधिकारीको बैठक सम्पन्न


पर्सा । नेपाल–भारतबीचमा रहेका सीमास्तम्भको मर्मत तथा पुनर्निर्माणको विषयमा छलफल गर्न दुवै देशका उच्च अधिकारीको वीरगञ्जमा बसेको बैठक आज सम्पन्न भयो ।

बैठकमा नेपालको बारा÷पर्सा र भारत विहारको पूर्वी तथा पश्चिमी चम्पारणको सीमा क्षेत्रलाई व्यवस्थित गर्न छलफल भएको पर्साका प्रमुख जिल्ला अधिकारी लोकनाथ पराजुलीले जानकारी दिए । 


सीमाक्षेत्रलाई व्यवस्थित गर्न नेपाल–भारतबीच रहेको बिग्रिएका वा भत्किएका सीमास्तम्भको मर्मत तथा पुनर्निर्माण दुवै देशका प्राविधिकले उचित ठहर गरेको विधि र प्रक्रियाबाट गर्ने सहमति बैठकमा भएको उनले बताए । 


बैठकले सीमक्षेत्रमा देखिएका विवादलाई दुईपक्षीय हितका आधारमा स्थानीयस्तरमै छलफलको माध्यमले समाधानको प्रयास गर्ने र हुन नसके दुवै देशका उच्च तहको छलफलबाटै निकास खोज्ने सहमति भएको प्रमुख जिल्ला अधिकारी पराजुलीले जानकारी दिए । 


नेपाल–भारतबीच बाराको सिमानामा पर्ने साना, मझौला तथा ठूला गरी ६८५ सीमास्तम्भ छन् भने पर्सामा एक हजार ५८ सीमास्तम्भ छन् । 


नेपाल–भारतका प्राविधिकको सहमतिमा भएको सीमाक्षेत्र व्यवस्थापन तथा मर्मत सम्भार र पुनर्निर्माणको ६० प्रतिशत काम पूरा भएको बैठकमा जनाइएको थियो । बाँकी रहेका ४० प्रतिशत सीमास्तम्भलाई यसै मौसममा पूरा गर्ने तयारी दुवै पक्षका प्राविधिकको रहेको बैठकमा बताइएको छ । 


बैठकमा नेपालतर्फबाट पर्साका प्रमुख जिल्ला अधिकारी लोकनाथ पराजुली, बाराका प्रमुख जिल्ला अधिकारी विजयनाथ मानन्धर, पर्साका प्रहरी उपरीक्षक रेवती ढकाल, बाराकी प्रहरी उपरीक्षक मीरा चौधरी, सशस्त्र प्रहरी सीमा सुरक्षा कार्यालय पर्साका सशस्त्र प्रहरी उपरीक्षक सुशीलप्रसाद पराजुली, बाराका सशस्त्र प्रहरी उपरीक्षक वेणुप्रसाद पाठक, बारा पर्साका नापी कार्यालय, पर्साका प्रविधिकको सहभागिता रहेको थियो । 


यसैगरी भारततर्फबाट पूर्वी चम्पारणका डिएम रमन कुमार, पश्चिमी चम्पारणका डिएम डा निलेश दौरेलगायत विभिन्न ओहदाका सुरक्षा अधिकारी तथा नापीका प्राविधिकको सहभागिता रहेको जिल्ला प्रशासन कार्यालय पर्साले जनाएको छ ।





कमेन्टसहरु



सम्बन्धित शिर्षक समाचारहरु



रौतहट क्षेत्र नम्बर १ मा दुई पूर्वमन्त्रीबीच तीव्र प्रतिस्पर्धा,कसले मार्ला बाजी

नेपाली काँग्रेसले १ मतदाताको मुल्य ८ हजार तोकेपनि बाम गठबन्धन नै जित्ने - पूर्व मन्त्री मो. मुस्ताक अालम

राजपाको प्रचार प्रसारमा प्रहरी हस्तक्षेप, कारवाहीको माग

निर्वाचनमा के गर्दै छन् डा सीके राउत

स्वतन्त्र उम्मेदवार सिंहको भव्य घरदैलौ मिठुवामा ।

पहिलो चरणको मतदान शान्तिपूर्ण, ६५ प्रतिशत मत खस्यो

रौतहट क्षेत्र न. १ का राजपा विधायक उम्मेदवार पुर्व मेयर शाहप्रति जनताको आकर्षण बढदै

प्रतिनिधिसभा र प्रदेशसभाको पहिलो चरण निर्वाचन आज ३२ जिल्लामा हुँदै

घरअगाडि नेता भण्डारीको शक्तिशाली बम विस्फोट
PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 NEXT

ताजा समाचार


धेरैले पढेको

254199
Times Visited.

Rajdevi Dainik
Gaur-8, Rautahat, NepalTel: 977 -55-521459, 9855044536 ,9855040229
http://www.rajdevidainik.com.np, Email: dainikrajdevi6@gmail.com
Copyright © 2015, All Rights Reserved !
Powered by :
Top