जिल्ला प्रशासन कार्यालय, रौतहट, दर्ता न ४३/०६८/६९, पान नं. ६०१०२२११९
समाज


चिसोका कारण एकै गाउँका ५ को मृत्यु


समाज 17 पटक पढिएको रासस




पुस २८, बाजुरा — चिसो बढेसँगै फैलिएको रुघाज्वरोका कारण जिल्लाको विकटमा पर्ने जगन्नाथ गाउँपालिकाको हुनी गाउँमा ५ जनाको मृत्यु भएको छ ।

मृत्यु हुनेहरुमा जगन्नाथ–२ हुनीकी ६० वर्षीया थुपा नाथ, ५५ वर्षीय कर्ण शाही, ७२ वर्षीय मन बिष्ट, ३६ वर्षीया सुपारी बिष्ट र ६७ वर्षीया बना बिष्ट छन्। उनीहरुको मृत्यु भएको वडाध्यक्ष कर्णबहादुर बिष्टले जानकारी दिएका छन्। चिसो बढेपछि दुई सातायता घरैपिच्छे रुघाज्वरोबाट बिरामी परेका गाउँपालिकाका निमित्त कार्यकारी प्रमुख रामदत्त न्यौपानेले बताए।


मृतकहरुको रुघाज्वरोले च्यापेर मृत्यु भएपछि भाइरल भएको अनुमान गरिएपनि कारण भने यकिन भइनसकेको जिल्ला जनस्वास्थ्य अधिकृत रमेश कुँवरले बताए। ‘भाईरल फैलिएको भन्ने अनुमानसम्म भएपनि पुष्टि भएको छैन,’ कुँवरले भने, ‘भाइरल भए नभएको परिक्षणका लागि नमुना केन्द्रमा पठाएका छौं।’ चिसो बढेका कारण श्वासप्रश्वास लगायत रोगका विरामीहरु भने चपेटामा परेको देखिएको उनले बताए। बढीसंख्यामा बालबालिका र बृद्धृबृद्धा प्रभावित भएका वडाध्यक्ष बिष्टले बताए।


रोग प्रभावित क्षेत्रमा उपचारका लागि कोल्टी प्राथमिक स्वास्थ्य केन्द्रबाट स्वास्थ्यकर्मीहरुको टोली परिचालन गरिएको कार्यालयले जनाएको छ। ‘आवश्यक औषधि तथा चिकित्सक सहितको टोली जगन्नाथमै परिचालित छ,ु जिल्ला स्वास्थ्य कार्यालयका प्रमुख डा। रुपचन्द्र विश्वकर्माले भने, ‘स्वास्थ्य क्षेत्रमा काम गर्ने त्यस क्षेत्रका गैर सरकारी निकायका स्वास्थ्यकर्मीहरुलाई समेत जगन्नाथमै केन्द्रित गराएका छौं।’ जगन्नाथ सदरमुकाम मार्तडीबाट दुई दिन टाढा पर्दछ।





कमेन्टसहरु



ताजा समाचार


धेरैले पढेको


102257
Times Visited.

Rajdevi Dainik
Gaur-8, Rautahat, NepalTel: 977 -55-521459, 9855044536 ,9855040229
http://www.rajdevidainik.com.np, Email: dainikrajdevi6@gmail.com
Copyright © 2015, All Rights Reserved !
Powered by :
Top