जिल्ला प्रशासन कार्यालय, रौतहट, दर्ता न ४३/०६८/६९, पान नं. ६०१०२२११९
मनोरञ्जन


महानायक राजेश हमाल पार्टी प्रवेश गर्ने तयारीमा, कुन पार्टी रोज्लान् त ?


मनोरञ्जन 2 पटक पढिएको


महानायक राजेश हमाल पार्टी प्रवेश गर्ने तयारीमा, कुन पार्टी रोज्लान् त ?


अश्विन 27, शुक्रबार महानायक राजेश हमाल अब राजनितिमा पनि होमिदै छन् । हमाल राजनीतिमा प्रवेश गर्ने तयारीमा जुटेका छन् । हमाललाई आफ्नो पार्टीमा तान्नकोलागि अहिले प्रमुख दलभित्र ठूलो होडबाजी नै चलेको छ । हुन त हमालले आएका प्रस्तावहरुलाई पनि ठाडै अस्विकार गर्न भने सकेका छैनन् ।

किनकी उनी पर्ख र हेरको रणनीतिमा छन् । एक अन्तर्वातामा उनले आफू राजनीतिमा आए मन्त्री तथा प्रधानमन्त्री हुने भन्दै विश्वास दिलाएका छन् । त्यतिमात्रै होईन, उनले आफू राजनीतिमा आए नेपालका पूराना नेताहरु नै विस्थापित हुने चिन्ता व्यक्त गरेका थिए ।


आगामी मंसिर १० र २१ गते हुने प्रदेश र प्रतिनिधि सभाको निर्वाचनको लागि प्रमुख दलहरु उम्मेद्धवार चयनको तयारीमा जुटेका छन् । दलहरुवीच पछिल्लो समय देखिएको धु्रवीकरण राजनीतिले उनीहरुलाई योग्य, सक्षम र लोकप्रिय उम्मेद्धवार छनौट गर्न हम्मेहम्मे नै परेको छ । त्यसैले प्रमुख दलहरुले चर्चित पत्रकार, कलाकार तथा उद्योगपतिहरुलाई आफ्नो पार्टीमा तान्नको लागि मरिहत्ते गरिरहेका छन् ।


महानायक हमाललाई पनि चुनावअघि नै राजनीतिमा जाउँ जाउँ लागिसकेको उनी निकट स्रोतले दाबी गर्यो । स्रोत भन्छ,“उहाँलाई अहिल्यै नै हाम्रो पार्टीमा आउनुहोस्, हामी टिकट दिन्छौं भन्ने धेरै पार्टीहरु हुनुहुन्छ, तर उहाँले निर्णय गर्नुभएको छैन्।”


उनलाई प्रमुख दल नेपाली कांग्रेसबाट पनि पार्टीमा आउनको लागि धेरै प्रस्तावहरु आएका छन् । यसको लागि कांग्रेसका केही नेताहरुले अहिले “होमवर्क” समेत गरिरहेको बुझिएको छ । उता प्रमुख प्रतिपक्षी दल नेकपा एमालेले पनि आफ्नो पार्टीमा भित्र्याउनको लागि हमलासँग एमाले नेताहरुले हिमचिम बढाईरहेका छन् ।


झन पछिल्लो समय एमाले, नेकपा माओवादी केन्द्र र नयाँ शक्ति नेपालवीच वाम गठबन्धन बनाउने निर्णय भएसँगै उनलाई आफ्नो गठबन्धनबाट चुनाव उठाउनेसम्मको तयारी भएको एक नेताले जानकारी दिए ।  रासस





कमेन्टसहरु



ताजा समाचार


धेरैले पढेको

256476
Times Visited.

Rajdevi Dainik
Gaur-8, Rautahat, NepalTel: 977 -55-521459, 9855044536 ,9855040229
http://www.rajdevidainik.com.np, Email: dainikrajdevi6@gmail.com
Copyright © 2015, All Rights Reserved !
Powered by :
Top