जिल्ला प्रशासन कार्यालय, रौतहट, दर्ता न ४३/०६८/६९, पान नं. ६०१०२२११९
राजनिति


उत्तर कोरियाद्वारा पुनः क्षेप्यास्त्र परीक्षण


राजनिति 39 पटक पढिएको २०७४ जेष्ठ ०८ सोमबार


उत्तर कोरियाद्वारा पुनः क्षेप्यास्त्र परीक्षण


उत्तर कोरियाले फेरि अर्को क्षेप्यास्त्र परीक्षण गरेको छ । उत्तर कोरियाले आइतबार बिहान पश्चिमी क्षेत्र पुकचाङबाट क्षेप्यास्त्र परीक्षण गरेको दक्षिण कोरियाली सेनाले जनाएको छ ।

दक्षिण कोरियामा मुन जाए इन राष्ट्रपतिमा निर्वाचत भएपछि मात्र उत्तर कोरियाले आइतबारसमेत गरी तीनपटक क्षेप्यास्त्र परीक्षण गरिसकेको छ । यसअघि गत साता प्योङयाङले प्रक्षेपण गरेको मझौला दू्रीकाे क्षेप्यास्त्र जापानी समुद्रमा खसेको थियो । उत्तर कोरियाको पछिल्लो परीक्षण ‘अविवेकी र गैरजिम्मेवारपूर्ण’ भन्दै दक्षिण कोरियाले त्यसको निन्दा गरेको छ । प्योङयाङको परीक्षणपछि दक्षिण कोरियाका राष्ट्रपति मुन जाए इनले आइतबार मन्त्रिपरिषद्को आकस्मिक बैठक डाकेका छन् ।

मझौला दूरीको परीक्षण

आइबारको परीक्षण मझौला दूरीको भएको ह्वाइट हाउसले जनाएको छ । दुई साताअघि मात्र अमेरिकाले उत्तर कोरियालाई आणविक परीक्षण नगर्न चेतावनी दिँदै प्योङयाङले अटेरी गरेमा यसका विरुद्ध कडा कारबाही गर्ने चेतावनी दिएको थियो । त्यस्तै, उत्तर कोरियाले प्रक्षेपण गरेको क्षेप्यास्त्र जापानी समुद्रमा खसेपछि जापानी प्रधानमन्त्री सिन्जो अबेले ‘जापान अब चुप लागेर नबस्ने’ बताएका थिए ।

सुरक्षा परिषद्को चेतावनी

संयुक्त राष्ट्रसंघको सुरक्षा परिषद्ले गत सोमबार प्योङयाङलाई सम्पूर्ण आणविक गतिविधि रोक्न निर्देशन दिएको थियो । निशस्त्रीकरणका लागि उत्तर कोरियाले यसअघि गरेको प्रतिबद्धता व्यवहारमा उतार्नसमेत सुरक्षा परिषद्ले प्योङयाङसँग माग गरेको थियो । उत्तर कोरियाका आणविक गतिविधिको विरोधमा राष्ट्रसंघले प्योङयाङमाथि विभिन्न प्रतिबन्ध लगाएको छ । उत्तर कोरियाले आफ्ना आणविक गतिविधि नरोके ऊमाथि थप प्रतिबन्ध लगाउने राष्ट्रसंघले चेतावनी दिँदै आएको छ ।

जापानको समुद्रमा खस्यो

सो क्षेप्यास्त्र उत्तर कोरियाबाट झन्डै ५६० किलोमिटर टाढा पुगेर जापानको समुद्रमा खसेको दक्षिण कोरियाको संयुक्त सेनाका प्रमुखले बताए । गत साता प्रक्षेपण गरिएको क्षेप्यास्त्र ७ सय किलोमिटर दूरी पार गरेको थियो । सो क्षेप्यास्त्र जापानको समुद्रनजिकै खसेको जापानी सञ्चार माध्यमहरूले जनाएका छन् । पछिल्लो क्षेप्यास्त्र परीक्षणको जापानले विरोध गरेको मन्त्रिपरिषद्का मुख्यसचिव योसिहिदे सुगाले बताए ।

काम गरेन मिसाइल रक्षा प्रणालीले

उत्तर कोरियाले पाँचओटा सफल क्षेप्यास्त्र परीक्षण गरिसकेको छ । उसले अमेरिकालाई आक्रमण गर्ने आणविक हतियार र हतियार बोक्न सक्ने क्षेप्यास्त्र परीक्षण गरिरहेको जनाएको छ । उत्तर कोरियाको आणविक गतिविधिलाई निस्तेज पार्न भन्दै अमेरिकाले दक्षिण कोरियामा मिसाइल रक्षा प्रणाली गत मे महिनादेखि सञ्चालनमा आएको छ । सो प्रणाली सञ्चालनमा आएपछि पनि उत्तर कोरियाले तीनओटा परीक्षण गरिसकेको छ । सो प्रणाली पूर्णरूपमा सञ्चालनमा आउन अझै केही महिना लाग्ने बताइएको छ । उत्तर कोरिया र उसको सहयोगी राष्ट्र चीनले सो प्रणालीको विरोध गरेको छ । आणविक गतिविधि निस्तेज गर्ने बहानामा अमेरिकाले एसियामा गुप्तचरी कार्य गरेको चीनको आशंका छ । एजेन्सी, प्योङयाङ 





कमेन्टसहरु



ताजा समाचार


धेरैले पढेको

89213
Times Visited.

Rajdevi Dainik
Gaur-8, Rautahat, NepalTel: 977 -55-521459, 9855044536 ,9855040229
http://www.rajdevidainik.com.np, Email: dainikrajdevi6@gmail.com
Copyright © 2015, All Rights Reserved !
Powered by :
Top